اے پی سی کیلئے باضابطہ دعوت نامہ نہیں دیا گیا، شبلی فراز

پی ٹی آئی کے رہنما شبلی فراز نے کہا ہے کہ اے پی سی کیلئے باضابطہ دعوت نامہ نہیں دیا گیا ہے، دعوت نامہ آئے گا تو اس حوالے سے سوچیں گے۔

پی ٹی آئی کے رہنما شبلی فراز نے پشاور میں میڈیا سے گفتگو کرتے ہوئے کہا کہ حکمران آئین اور قانون سے خود کو بالاتر سمجھتے ہیں۔

انہوں نے کہا کہ ملکی معیشت کو داؤ پر لگا دیا گیا ہے، ہم پر جو مسلط ہیں وہ نہ آئین پر، نہ قانون پر یقین رکھتے ہیں۔

انہوں نے مزید کہا کہ ملک کو تباہی کی جانب لے جانے والوں کےساتھ ہمارا مقابلہ ہے، ہمارے پارٹی قائدین اور ہماری خواتین رہنماؤں کو بھی اٹھایا جارہا ہے۔