چوہدری وجاہت کے بیٹے موسیٰ الہٰی کی 15 فروری تک حفاظتی ضمانت منظور

لاہور ہائیکورٹ نے پاکستان مسلم لیگ ق کے رہنما چوہدری وجاہت حسین  کے بیٹے موسیٰ الہٰی کی 15 فروری تک حفاظتی ضمانت منظور کرلی۔

گرفتاری کے خدشے کے پیش نظر موسیٰ الہٰی نے لاہور ہائیکورٹ سے حفاظتی ضمانت لے لی۔

پرویز الہٰی کے گھر پر چھاپہ، اہلکار گھر میں داخل، پرویز الہٰی کی تصدیق

چوہدری پرویز الہٰی نے کہا کہ پولیس کی جانب سے گھر میں داخل ہونے کی کوشش کی جا رہی ہے۔

لاہور ہائیکورٹ نے موسیٰ الہٰی کی 15 فروری تک حفاظتی ضمانت منظور کی۔

موسیٰ الہٰی جسٹس طارق سلیم شیخ کے روبرو پیش ہوئے۔ انہوں نے بتایا کہ گجرات میں سیاسی بنیاد پر مقدمہ بنایا گیا ہے وہ متعلقہ عدالت میں پیش ہونا چاہتے ہیں لیکن انہیں روکا جا رہا ہے۔

درخواست گزار کے مطابق مسلم لیگ ن کے رہنما کے گھر باہر فائرنگ کا معاملہ ہے جس میں وہ انسداد دہشت گردی عدالت میں پیش ہونا چاہتے ہیں لیکن پولیس کی جانب سے گرفتاری کا خدشہ ہے۔