محمد حفیظ کوئٹہ گلیڈی ایٹرز کا حصہ بن گئے

قومی کرکٹ ٹیم کے سابق کپتان محمد حفیظ کوئٹہ گلیڈی ایٹرز کا حصہ بن گئے۔

ذرائع کے مطابق کوئٹہ گلیڈی ایٹرز کے احسان علی انجری کے بعد ایچ بی ایل پی ایس ایل سے باہر ہو گئے۔

ذرائع کا کہنا ہے کہ کوئٹہ گلیڈی ایٹرز نے احسان علی کی جگہ محمد حفیظ کو اسکواڈ میں شامل کر لیا ہے۔

پی ایس ایل کا افتتاحی میچ، لاہور قلندرز نے شہدائے پولیس کے بچوں کو بلا لیا

پاکستان سپر لیگ سیزن 8 کے افتتاحی میچ میں دفاعی چیمپئن لاہور قلندرز نے پولیس شہداء کے 50 بچوں کو مدعو کر لیا۔

واضح رہے کہ ایچ بی ایل پی ایس ایل کا آٹھواں ایڈیشن آج سے شروع ہو گا۔

ایونٹ کا افتتاحی میچ دفاعی چیمپئن لاہور قلندرز اور ملتان سلطانز کے درمیان رات 8 بجے کھیلا جائے گا۔