لاہور (نیوزرپورٹر)ملتان سے جدہ جانے والی پرواز پالتو بلی کے باعث 15منٹ کی تاخیر کا شکار ہوگئی۔سعودی عرب سے آئی بلی کو اس کی مالکن واپس سعودیہ لے جانا چاہتی تھی۔ رحیم یارخان کی رہائشی خاتون اس کا بیٹا بلی کو سعودی عرب سے پاکستان لائے تھے اور خاتون پالتو بلی کو پرواز پی کے739کے ذریعے ملتان سے جدہ لے کرجانا چاہتی تھی۔ضروری دستاویزات کے باوجود سفر کی اجازت نہ ملنے پرخاتون اور بیٹے نے احتجاج کیا۔سول ایوی ایشن اتھارٹی کے مطابق سعودی عرب سے کسی بھی جانور کو لانے سے پہلے اندراج ضروری ہے اور ناما ڈاٹ ایس اے نامی ویب سائٹ پر پالتو بلی کا اندراج نہیں کیا گیا تھا۔
فرمان الہی
نماز کے اوقات
