فرمان الہی
نماز کے اوقات
تیز ترین انداز میں بیٹنگ کرنے کی وجہ سے مشہور آسٹریلیا کے ڈیوڈ وارنر نے پاکستان سپر لیگ (پی ایس ایل) میں کھیلنے کی خواہش ظاہر کر دی۔
ڈیوڈ وارنر نے لاہور قلندرز کے کھلاڑی راشد خان کی سوشل میڈیا پوسٹ پر کمنٹ لکھ کر اپنی خواہش کا اظہار کیا۔
راشد خان نے کوئٹہ گلیڈی ایٹرز کے خلاف 17 رنز سے میچ جیتنے کے بعد انسٹاگرام پر ایک پوسٹ شیئر کی تھی جس پر کئی لوگوں نے کمنٹس لکھے۔
افغان کرکٹر کی پوسٹ پر آسٹریلوی بیٹر نے بھی کمنٹ لکھا اور اپنی خواہش کا اظہار کیا۔
ڈیوڈ وارنر نے لکھا کہ ’میں کب کھیل سکتا ہوں؟‘
آسٹریلوی بیٹر کی اس خواہش پر پاکستانیوں کی بڑی تعداد نے انہیں پاکستان آنے کی دعوت دی ہے۔
ڈیوڈ وارنر کی پی ایس ایل کھیلنے کی خواہش کو ساڑھے 4 ہزار سے زائد لوگوں نے پسند بھی کیا۔
