پی ٹی آئی کی درخواست خارج، لیاقت آباد کی یو سی 4 میں جماعت اسلامی فاتح قرار

15جنوری کو کراچی میں ہونے والے بلدیاتی انتخابات کے نتائج کا سلسلہ تا حال برقرار ہے، الیکشن کمیشن نے لیاقت آباد کے ابن سینا ٹاؤن کی یو سی 4 کا نتیجہ جاری کرنے کا حکم دے دیا۔

لیاقت آباد کے ابن سینا ٹاؤن کی یو سی 4 میں جماعت اسلامی کی کامیابی کے خلاف پاکستان تحریک انصاف نے درخواست دائر کی تھی۔

53 یونین کمیٹیز بڑھانے کا نوٹیفکیشن متحدہ کو فیس سیونگ دینے کےلیے نکالا گیا، حافظ نعیم

کراچی میں 52 یونین کمیٹی کے اضافے پر امیر جماعت اسلامی کراچی حافظ نعیم نے ردعمل کا اظہار کرتے ہوئے کہا کہ پیپلز پارٹی نے ایم کیو ایم کو فیس سیونگ دینے کےلئے نوٹیفکیشن نکالا۔

الیکشن کمیشن نے جماعت اسلامی کی کامیابی کے خلاف پی ٹی آئی کی درخواست خارج کرتے ہوئے نتائج جاری کرنے پر دیا گیا حکم امتناع واپس لے لیا۔

حکم نامے میں کہا گیا ہے کہ درخواست گزار چاہیں تو الیکشن ٹریبونل سے رجوع کر سکتے ہیں۔

ریٹرننگ آفیسر (آر او) کے مطابق جماعت اسلامی نے 1818 جبکہ پی ٹی آئی نے 1260 ووٹ حاصل کیے۔ آر او کے مطابق پی ٹی آئی نے ٹیمپرڈ فارم 11 کمیشن کو پیش کیے۔