فرمان الہی
نماز کے اوقات
ملتان سلطانز کے کپتان محمد رضوان نے کہا ہے کہ ہم نے جس طرح پہلے میچز کھیلے ہیں اسی طرح فائنل بھی کھیلیں گے باقی نتیجہ اللّٰہ کے ہاتھ میں ہے۔
جیو نیوز بات کرتے ہوئے محمد رضوان نے کہا کہ ہم نے سر پر حاوی نہیں کرنا کہ ہم فائنل کھیل رہے ہیں۔
انہوں نے کہا کہ ہم نے جس طرح پی ایس ایل کا پہلا میچ کھیلا تھا اسی طرح فائنل بھی کھیلیں گے۔
محمد رضوان کا کہنا ہے کہ ہم سب کھلاڑیوں اور مینجمنٹ کی یہ خواہش ہے کہ پی ایس ایل ٹرافی اٹھائیں۔
ملتان سلطانز کے کپتان نے کہا کہ ٹرافی اٹھانے کے لیے جو ضروری چیزیں درکار ہوتی ہیں ان پر فوکس کرنا ہو گا۔
واضح رہے کہ ایچ بی ایل پی ایس ایل سیزن 8 کے آخری دن فائنل مقابلے میں ایونٹ کی دو بہترین ٹیمیں دفاعی چیمپئن لاہور قلندرز اور ملتان سلطانز ٹائٹل کے لیے ٹکرائیں گی۔
پی ایس ایل کا فائنل مسلسل دوسرے سال لاہور قلندرز اور ملتان سلطانز کے درمیان کھیلا جائے گا۔
