پاکستان کا افغانستان کیخلاف پہلے ٹی ٹوئنٹی کیلئے ٹیم کا اعلان

پاکستان اور افغانستان کے درمیان پہلا ٹی ٹوئنٹی میچ آج شارجہ میں کھیلا جائے گا جو پاکستانی وقت کے مطابق رات 9 بجے شروع ہوگا۔

پاکستان ٹیم میں آج 4 کھلاڑی ڈیبیو کریں گے جبکہ دیگر کھلاڑیوں کے ناموں کا اعلان بھی کردیا گیا ہے۔

صائم ایوب، طیب طاہر، زمان خان اور احسان اللّٰہ آج پہلی مرتبہ گرین شرٹ پہن کر شارجہ کے میدان میں ایکشن میں نظر آئیں گے۔

میچ کھیلنے والے دیگر کھلاڑیوں میں کپتان شاداب خان، محمد حارث، عبداللّٰہ شفیق، اعظم خان، فہیم اشرف، عماد وسیم اور نسیم شاہ شامل ہیں۔

حارث رؤف اور طاہر بیگ کا زمان خان اور عبداللّٰہ شفیق کیلئے نیک خواہشات کا پیغام

افغانستان کے خلاف پہلے ٹی ٹوئنٹی میچ میں پاکستان کی طرف سے ڈیبیو کرنے والے فاسٹ بولر زمان خان اور بیٹر عبداللّٰہ شفیق کے لیے حارث رؤف اور طاہر بیگ نے نیک خواہشات کا اظہار کیا ہے۔

دونوں ٹیموں کے درمیان دوسرا اور تیسرا ٹی ٹوئنٹی بالترتیب 26 اور 27 مارچ کو ہوگا۔

پاکستان کا پہلا اسپورٹس چینل جیو سوپر سیریز کے تمام میچز براہ راست نشر کرے گا۔