• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی رہنما حماد اظہر کی پولیس کو دھمکی

تازہ ترین
قومی خبریں
25 مارچ ، 2023
فوٹو فائل
فوٹو فائل

پاکستان تحریک انصاف (پی ٹی آئی) کے رہنما حماد اظہر نے پولیس افسران کو دھمکی دے دی۔

لاہور میں میڈیا سے گفتگو کرتے ہوئے حماد اظہر نے کہا کہ پی ٹی آئی کے خلاف کارروائیوں میں ملوث ہر افسر سے ساری عمر حساب لیا جائے گا۔

حماد اظہر نے کہا کہ آئی جی سے لے کر سپاہی تک ہر افسر کی تفصیل موجود ہے، حکومت میں آکر ان پولیس افسروں کے خلاف مقدمات چلائے جائیں گے۔

آپریشن کے دوران میرے گھر سے چیزیں چوری کی گئیں، عمران خان

پی ٹی آئی چیئرمین نے کہا کہ جو کچھ ہو رہا ہے، پولیس بھی اس سے تنگ ہے، ہمیں بھی کچھ پولیس والے معلومات دے رہے ہیں۔

واضح رہے کہ پاکستان تحریک انصاف آج مینار پاکستان پر جلسہ کرنے جا رہی ہے، اس سلسلے میں مینار پاکستان گراؤنڈ جانے والے راستے کنٹینرز لگا کر بند کر دیے گئے ہیں۔

شہر کے داخلی و خارجی راستوں پر کنٹینرز لگا دیے گئے، راوی پل، ریلوے اسٹیشن سے مینار پاکستان جانے والے راستے بند ہیں۔

شاہ عالم مارکیٹ میں بھی کنٹینرز لگا دیےگئے، سگیاں پل اور انجنیئرنگ یونیورسٹی روڈ کے راستے بھی بند کر دیے گئے۔

ضلعی انتظامیہ نے پی ٹی آئی کو آج رات مینار پاکستان پر جلسے کی اجازت دے رکھی ہے۔

دوسری جانب پنجاب کے مختلف شہروں سے پی ٹی آئی کے کارکنوں کی گرفتاریوں کا سلسلہ بھی جاری ہے۔

تحریک انصاف کے رہنما فیاض الحسن چوہان نے دعویٰ کیا ہے کہ اب تک 500 کے قریب کارکن پکڑے گئے ہیں۔

قومی خبریں سے مزید