• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تیونس: تارکینِ وطنوں کی کشتی ڈوبنے سے ہلاکتیں 19 ہو گئیں

تازہ ترین
بین الاقوامی خبریں
26 مارچ ، 2023
—فائل فوٹو
—فائل فوٹو

تیونس میں افریقی تارکینِ وطنوں کی کشتی ڈوبنے کے حادثے میں ہلاکتیں 19 ہو گئیں۔

انسانی حقوق گروپ نے کشتی ڈوبنے کے حادثے کے نتیجے میں ان 19 ہلاکتوں کی تصدیق کی ہے۔

انسانی حقوق گروپ کے مطابق مذکورہ تارکینِ وطن بحیرۂ روم پار کر کے اٹلی جانے کی کوشش کر رہے تھے کہ ان کی کشتی ڈوب گئی۔

تیونس، تارکین وطن کی کشتی ڈوبنے سے 5 افراد ہلاک

غیرملکی میڈیا کے مطابق تیونس کے کوسٹ گارڈز نے کشتیوں میں سوار 84 افراد کو بچا لیا ہے جبکہ تینتیس افراد تاحال لاپتا ہیں۔

غیر ملکی خبر ایجنسی کے مطابق تیونس میں گزشتہ 4 دن کے دوران تارکینِ وطنوں کی 5 کشتیاں ڈوبی ہیں۔

تیونس کے کوسٹ گارڈز کے مطابق ان 4 دن میں اٹلی جانے کی کوشش کرنے والی 80 کشتیوں کو روکا گیا ہے۔

تیونس کے کوسٹ گارڈز کا یہ بھی کہنا ہے کہ ان کشتیوں کو روک کر ان میں سوار 3 ہزار سے زائد تارکینِ وطن کو حراست میں لیا گیا ہے۔

بین الاقوامی خبریں سے مزید