نواز شریف کو بھی ازخود نوٹس فیصلے کیخلاف اپیل کا حق مل گیا

قومی اسمبلی سپریم کورٹ پریکٹس اینڈ پروسیجر بل میں محسن داوڑ کی ترمیم سے نواز شریف کو سزا کے خلاف اپیل کا حق مل گیا۔

قومی اسمبلی میں اہم قانون سازی کرلی گئی، جو ماضی کی سزاؤں کو ایک بار چیلنج کرنے کےلیے ہے۔

قومی اسمبلی: سپریم کورٹ پریکٹس اینڈ پروسیجر بل منظور

قومی اسمبلی اجلاس میں سپریم کورٹ پریکٹس اینڈ پروسیجر بل 2023ء کی منظوری دے دی۔

بل میں محسن داوڑ کی جانب سے ترمیم منظور کرلی گئی، جس کے تحت سزاؤں کے خلاف اپیل کےلیے 1 ماہ کا وقت ملے گا۔

30 دن میں ون ٹائم اپیل کے حق سے سابق وزیر اعظم نواز شریف کے ساتھ یوسف رضاگیلانی اور جہانگیر ترین سمیت از خود نوٹس کیسوں کے فیصلوں کے دیگر متاثرہ فریق بھی فائدہ اٹھا سکیں گے۔

بل کے متن کے مطابق از خود نوٹس مقدمات میں فیصلوں پر اپیل کا حق پہلے ہونے والے فیصلوں پر بھی ہوگا۔

اعتزاز احسن، لطیف کھوسہ نے قانون سازی پر حکومتی موقف غلط قرار دے دیا

پیپلز پارٹی سے تعلق رکھنے والے دو ماہرین قانون اعتزاز احسن اور لطیف کھوسہ نے حکومتی موقف غلط قرار دیدیا۔

بل کے متن میں کہا گیا کہ ماضی میں مقدمات کے فیصلوں کے خلاف ایک ماہ کی اپیل کرسکیں گے، 184 تھری کے تحت ماضی کے فیصلوں پر اپیل کے حق کے لیے ایک ماہ کا وقت ملے گا۔

ذرائع کے مطابق منظور شدہ بل کے تحت اپیل کا یہ حق ون ٹائم پرویژن کے تحت ہوگا۔

اس پر وفاقی وزیر قانون سینیٹر اعظم نذیر تارڑ نے کہا کہ یہ صرف ایک بار کی قانون سازی ہے، کوئی پنڈورا باکس نہیں کھلے گا۔

عمران خان کی سینئر وکلاء، ریٹائرڈ ججز سے آئینی مشاورت

چیئرمین پاکستان تحریک انصاف (پی ٹی آئی) عمران خان سے سینئر وکلاء اور ریٹائرڈ ججوں نے ملاقات کی ہے۔

انہوں نے مزید کہا کہ آئینی ترمیم ہونی چاہیے، پاکستان کی چھ کی چھ بار کونسلز نے ایوان کو اس ترمیم پر سراہا۔

اعظم نذیر تارڑ نے یہ بھی کہا کہ صالح محمد نے اس پر تشویش کا اظہار کیا کہ جلد بازی میں کیا جا رہا ہے۔ جناب، آپ نے اپنے دور میں کچھ ہی دیر میں مشترکہ اجلاس میں 47 قوانین منظور کیے۔

ان کا کہنا تھا کہ بلاول بھٹو زرداری نے بجا طور پر کہا کہ یہ قانون سازی بہت پہلے ہوجانی چاہیے تھی، قائمہ کمیٹی نے بہت عرق ریزی سے جائزہ لیا اور تین ترامیم بھی شامل کیں۔

قومی اسمبلی نے سپریم کورٹ پریکٹس اینڈ پروسیجر بل کو متفقہ طور پر منظور کرلیا۔