ایران نے یونان میں اسرائیلی اہداف پر حملوں کی سازش کا الزام مسترد کردیا

ایران نے یونان میں اسرائیلی اہداف پر حملوں کی سازش کا الزام مسترد کر دیا۔

خبر ایجنسی کے مطابق ایرانی سفارتخانے نے کہا کہ اسرائیلی ذرائع کی افواہیں اور ایران پر بےبنیاد الزامات مسترد کرتے ہیں۔

یونان، اسرائیلی اہداف پر حملوں کی منصوبہ بندی، 2 نوجوان گرفتار

غیرملکی میڈیا کے مطابق اسرائیل نے حملوں کی منصوبہ بندی کا الزام ایران پر لگاتے ہوئے کہا ہے کہ ایران نے بیرون ملک اسرائیل اور یہودی اہداف کے خلاف دہشت گردی کی کوشش کی۔

سفارتخانے کا کہنا ہے کہ ذرائع کی من گھڑت باتیں اسرائیل کے اندرونی بحران سے توجہ ہٹانے کیلئے ہیں۔

یونانی پولیس نے گزشتہ روز 2 ایرانی نژاد نوجوانوں کو گرفتار کرنے کا دعویٰ کیا تھا۔