فواد چوہدری اور شاہ محمود کی عبوری ضمانت میں توسیع

01 اپریل ، 2023

لاہور کی سیشن کورٹ نے تحریک انصاف کے رہنما فواد چوہدری اور شاہ محمود قریشی کی عبوری ضمانت میں توسیع کردی۔

عدالت نے دونوں رہنماؤں کی عبوری ضمانت میں 13 اپریل تک توسیع کردی اور ایس پی انویسٹی گیشن کو تفتیشی افسر کی حاضری یقینی بنانے کا حکم بھی دیا۔

ایڈیشنل سیشن جج نے عبوری ضمانت کی درخواست پر سماعت کی اور پی ٹی آئی رہنما کو تفتیش میں شامل ہونے کا حکم بھی دیا۔

’ہم ان پرچوں سے گھبرانے والے نہیں‘

اس موقع پر فواد چوہدری نے میڈیا سے گفتگو کرتے ہوئے کہا کہ اگر ہم سڑک کے کنارے پریس کانفرنس کر رہے ہیں تو ہم پر پرچہ کیوں ہوا؟ ہم ان پرچوں سے گھبرانے والے نہیں۔

فواد چوہدری نے کہا کہ عمران خان کے خلاف 40 پرچے تو دہشت گردی کے ہیں، پی ٹی آئی کو فسطائیت کا سامنا ہے۔

انہوں نے کہا کہ عمران خان کے خلاف دہشتگردی کے 2 پرچے اسلام آباد میں کٹے جبکہ وہ وہاں تھے ہی نہیں۔

قومی خبریں سے مزید