فرمان الہی
نماز کے اوقات
بھارتی معروف اداکارہ کرینہ کپور عرف بیبو شادی سے قبل سیف علی خان کے اصل نام سے ناواقف تھیں۔
بھارتی میڈیا رپورٹس کے مطابق کرینہ کپور پر سیف علی خان کے اصل نام کی کہانی شادی والے دن کھلی تھی اور کرینہ سیف کا اصل نام جان کر حیران رہ گئی تھیں۔
یاد رہے کہ شادی سے قبل کئی برس تک کرینہ کپور اور سیف علی خان میں ایک رومانوی رشتہ قائم تھا، یہ جوڑا ایک دوسرے سے ملاقاتیں کرتا رہا تھا ایک دوسرے کو بہتر طریقے سے جانتا تھا مگر کرینہ کپور سیف علی خان کے اصل نام سے ناواقف رہیں۔
میڈیا رپورٹس کے مطابق شادی والے دن کرینہ کپور پر یہ راز کھلا کے سیف علی خان کا اصلی نام ساجد علی خان پٹودی تھا جو اُنہوں نے بعد میں تبدیل کروا کر سیف علی خان رکھا تھا۔
بھارتی میڈیا رپورٹس کے مطابق کرینہ اور سیف ’سیفینہ‘ کی شادی کے سرٹیفیکیٹ پر بھی سیف علی خان کا نام ساجد علی خان پٹودی درج ہے۔
نام تبدیل کروانے اور کنیت ’پٹودی ‘ ہٹانے سے متعلق بھارتی شاہی خاندان کے چھوٹے نواب سیف علی خان نے خود ایک انٹرویو کے دوران انکشاف کیا تھا کہ اُن کے نام سے پٹودی اُن کے والد نے ہی ہٹوایا تھا۔
اس عمل کی وجہ بتاتے ہوئے سیف علی خان کا کہنا تھا کہ دراصل ہندوستان میں شاہی ریاستوں کا رواج ختم ہو رہا ہے اسی لیے اُن کے والد منصور علی خان پٹودی نے بھی پٹودی سر نیم کو اپنے نام سے ہٹوا دیا تھا۔
