فرمان الہی
نماز کے اوقات
باڑہ، خیبر، ہنگو ( نمائندگان جنگ )تحصیل باڑہ میں روڈ سائیڈ پر نصب بارود پھٹنے سے سیکورٹی فورسز گاڑی دھماکے کی زد میں اکرگاڑی میں سوار صوبیدا سمیت دو اہلکار شہید اورچار دیگراہلکار زخمی ہوگئےجبکہ دھماکے سے سیکورٹی فورسز کی گاڑی مکمل طور پر تباہ ہوگئی۔ذرائع کے مطابق تحصیل باڑہ کے علاقہ ملک دین خیل غنڈی قبرستان کے ساتھ روڈ سائیڈ سیکورٹی فورسز کی گاڑی پر دھماکے کے نتیجے میں سیکورٹی فورسز کے دو اہلکار شہید جبکہ چار دیگر اہلکار شدید زخمی ہوگئے ۔دھماکے کی اطلاع ملتے ہی مقامی ابادی نے اپنی مدد آپ کے تحت زخمیوں کو طبی امداد کے لیے ہسپتال منتقل کر دیا۔ جبکہ اورکزئی میں بارودی مواد پھٹنے سے ایک نوجوان جاں بحق دوسرا زخمی ہوگیا۔ ڈپٹی کمشنر طیب عبد اللہ کے مطابق اپر اورکزئی کے علاقے غل زختان میں جلیل اور شناب کباڑ اکٹھا کر رہے تھے کہ اس میں دھماکہ خیز مواد پھٹ گیا جس کے نتیجے میں دونوں بھائی شدید زخمی ہوگئے۔
