فرمان الہی
نماز کے اوقات
پاکستان تحریک انصاف کے چیئرمین عمران خان کی گرفتاری پر لاہور میں واقع اُن کی رہائش گاہ زمان پارک کے سامنے کینال روڈ پر پی ٹی آئی کارکنوں کی جانب سے احتجاج کیا جا رہا ہے۔
عمران خان کی گرفتاری کے خلاف پی ٹی آئی کے کارکنوں نے زمان پارک کے سامنے احتجاج کرتے ہوئے کینال روڈ بلاک کر دیا ہے۔
واضح رہے کہ آج اسلام آباد ہائیکورٹ پہنچنے والے چیئرمین پاکستان تحریکِ انصاف (پی ٹی آئی)، سابق وزیرِ اعظم عمران خان کو رینجرز نے نیب کے القادر ٹرسٹ کیس میں گرفتار کر لیا ہے۔
چیئرمین پی ٹی آئی عمران خان بائیو میٹرک کروانے کے لیے جیسے ہی ہائیکورٹ کے متعلقہ آفس جانے لگے تو راستے میں اِنہیں رینجرز نے اپنی حراست میں لے لیا۔
ذرائع کے مطابق رینجرز کے ہمراہ موجود نیب حکام کے پاس عمران خان کی گرفتاری کے وارنٹ موجود تھے۔
