• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان گرفتاری کیس، جلد سماعت کیلئے درخواست پر اعتراضات دور

تازہ ترین
قومی خبریں
10 مئی ، 2023
فائل فوٹو
فائل فوٹو

سپریم کورٹ نے پی ٹی آئی چیئرمین عمران خان گرفتاری کیس کی جلد سماعت کے لیے درخواست پر اعتراضات دور کر دیے۔

عمران خان کے وکیل راجا عامر عباس نے کیس کی جلد سماعت مقرر کرنے کے لیے درخواست دائر کی۔

اعتراضات دور ہونے کے بعد رجسٹرار آفس نے عمران خان کی اپیل کو نمبر الاٹ کر دیا۔

اس سے قبل سپریم کورٹ رجسٹرار آفس نے عمران خان کی درخواست پر اعتراضات عائد کیے تھے۔

رجسٹرار آفس نے عمران خان کی درخواست پر اعتراض عائد کر کے واپس کر دی تھی۔

عمران خان کی گرفتاری سپریم کورٹ میں چیلنج

تحریک انصاف نے عمران خان کی گرفتاری کو سپریم کورٹ میں چیلنج کردیا۔

رجسٹرار آفس نے اعتراض لگاتے ہوئے کہا تھا کہ عمران خان نے متعلقہ فورم سے رجوع نہیں کیا، وہ ہائی کورٹ کے فیصلے کے خلاف انٹرا کورٹ اپیل دائر کر سکتے تھے۔

اعتراض میں یہ بھی کہا گیا تھا کہ عمران خان کی درخواست کے ساتھ مطلوبہ دستاویزات مکمل نہیں ہیں اور عمران خان کا وکالت نامہ دستخط شدہ نہیں۔

واضح رہے کہ عمران خان کی اسلام آباد ہائی کورٹ کے فیصلے کے خلاف متفرق درخواست دائر کی گئی۔

قومی خبریں سے مزید