فرمان الہی
نماز کے اوقات
وفاقی وزیر جاوید لطیف کا کہنا ہے کہ نواز شریف سے معافی مانگ کر انہیں واپس لایا جائے تو پاکستان ان سازشوں سے نکل سکتا ہے۔
قومی اسمبلی اجلاس میں اظہار خیال کرتے ہوئے جاوید لطیف نے کہا کہ نواز شریف کے واپس آنے سے ہی پاکستان ترقی کی نئی راہوں پر چلے گا۔
ان کا کہنا تھا کہ 9 مئی کو جو کچھ ہوا یہ منصوبہ ادھورا تھا، ان کا منصوبہ ملک کو توڑنا تھا، کیا یہ واقعہ ایک دن میں ہوگیا؟ ایسا نہیں ہے۔
انہوں نے کہا کہ جب تک سازش کرنے والے کرداروں کو بے نقاب نہیں کریں پاکستان آگے بڑھنے کا متحمل نہیں ہوسکتا۔
وفاقی وزیر نے کہا کہ جن کرداروں کی ویڈیوز آئیں صرف ان پر مقدمات چلے اور ماسٹر مائنڈ کو چھوڑ دیا گیا، یہ بتایا جائے کون سے ہاتھ ہیں جو ماسٹر مائنڈ پر ہاتھ نہیں ڈالنے دے رہے؟ کیا ان کے ماسٹر مائنڈ کو چھوڑ دیا جائے گا؟
ان کا کہنا تھا کہ تھوک کے حساب سے ضمانتیں دی جا رہی ہیں، ملک کو بچانے کیلئے آرمی ایکٹ کو سپورٹ کرنا ہوگا۔
انہوں نے مزید کہا کہ ہم آر ایس ایس کی بات تو کرتے ہیں لیکن ہم ٹائیگر فورس کی بات نہیں کرتے، ٹائیگر فورس کو اسی لیے تیار کیا گیا کہ گرفتاری کی صورت میں یہ مجرمانہ کام کریں۔
