طیب اردوان کے دوبارہ صدر منتخب ہونے پر عمران خان نے کیا کہا؟

سابق وزیرِ اعظم عمران خان نے رجب طیب اردوان کو مسلسل دوسری مرتبہ ترکیہ کا صدر منتخب ہونے پر مبارک باد دی ہے۔

سماجی رابطے کی ویب سائٹ ٹوئٹر پر جاری کیے گئے بیان میں عمران خان نے کہا ہے کہ میں پاکستان کے لوگوں کی جانب سے رجب طیب اردوان کو صدر منتخب ہونے پر مبارک باد دیتا ہوں۔

عمران خان کا کہنا ہے کہ میری دعا ہے کہ طیب اردوان کا نیا دورِ حکومت ترکیہ کے لوگوں کے لیے خوشحالی لائے۔

ترکیہ صدارتی انتخابات: طیب اردوان مسلسل دوسری مرتبہ صدر منتخب

سرکاری میڈیا کے مطابق ترکیہ کی سپریم الیکشن کونسل کا کہنا ہے کہ صدر طیب اردوان کو ووٹوں کی گنتی کے دوران 52.09 فیصد ووٹوں کے ساتھ برتری حاصل ہے۔

واضح رہے کہ رجب طیب اردوان مسلسل دوسری مرتبہ ترکیہ کے صدر منتخب ہو گئے ہیں۔

سرکاری میڈیا کے مطابق ترکیہ کی سپریم الیکشن کونسل کا کہنا ہے کہ طیب اردوان کو ووٹوں کی گنتی کے دوران 52.09 فیصد ووٹوں کے ساتھ برتری حاصل ہے۔