برمنگھم (جنگ نیوز)راجر فیڈرر نے ہال مینز ٹینس کے سیمی فائنل میں رسائی حاصل کرلی یہاں ان کا سامنا جواں سال جرمن حریف الیگزینڈررز یوریف سے ہوگا، کوئنز کلب ٹینس میں ٹاپ سیڈ اینڈی مرے اور مارن کلک نے فائنل فور میں جگہ بنالی، برمنگھم ویمنز ایونٹ میں دفاعی چیمپئن اینجلیک کیربر نے ناکامی کا خطرہ ٹالتے ہوئے سیمی فائنل میں شرکت کا حق پالیا۔ تفصیلات کے مطابق ہال مینز ٹینس ٹورنامنٹ میں راجر فیڈرر نے بلجیم کے ڈیوڈ گوفن کو 1-6-6-7(10-12) سے شکست دیکر سیمی فائنل میں شرکت کا حق پالیا، سوئس ورلڈ نمبر 3اور17گرینڈسلم کے فاتح فیڈرر ومبلڈن سے قبل اس گراس کورٹ ایونٹ کو اپنے لیے اہم خیال کررہے ہیں، سیمی فائنل میں فیڈرر کا سامنا نوجوان جرمن کھلاڑی الیگزینڈرز یوریف سے ہوگا جنہوں نے قبرصی پلیئر مارکوس بغدیتس کو 6-7(9-11)3-6سے قابو کرلیا۔ دوسری جانب کوئنز کلب ٹینس ٹورنامنٹ کے کوارٹر فائنلز میں ٹاپ سیڈ اینڈی مرے نے ہموطن کائل ایڈمنڈکو 4-6 6-3اور 1-6سے زیر کیا 5سیڈکروشین پلیئر مارن کلک نے امریکی حریف اسٹیو جونسن کو 6-3-(3/7)-6-7اور3-6اور4-6سے ٹھکانے لگایا ادھر برمنگھم ویمنز کلاسک ٹینس ٹورنامنٹ میں دفاعی چیمپئن کیربر نے زبردست فائٹ بیک کرتے ہوئے کوارٹر فائنل میں جبہ بنالی، انہوںنے ابتدائی سیٹ ہارنے کے باوجود آسٹریلیا سے تعلق رکھنے والی ڈاریا گیوریلو کو دلچسپ مقابلے میں 6-2,5-7اور6-2سے شکست دی، بارش کے سبب تعطل کا شکار ہونیوالا میچ جمعے کو مکمل ہوا، سیکنڈ رائونڈ کے دیگر میچز میں 6سیڈ اسپنیش پلیئر کارلا سواریز نیوارو نے آندریا پیٹکووک کو 7-6-(7/5) 7-6, 4-6(7/5) سے مات دیدی، میڈیسن کیز نے لٹویا کی جیلینااوسٹاپینکو کو 6-4, (1/7) 6-7اور6-2سے ہرا کر سیمی فائنل میں رسائی پالی، کوکووینڈی ویگ نے کرسٹینا میک ہیل کو 7-6, 6-3(7/2) سے زیر کیا، یانیا وکمائر نے 9سیڈ جوہانا کونٹا کو 6-3, 6-3سے مات دید، باریور اسٹرائیکوا نے برطانوی امیدوں کی محور ہیتھرو واٹسن کو 6-4, 7-5سے ہرادیا۔
فرمان الہی
نماز کے اوقات
