کرنٹ اکاؤنٹ خسارے سے بڑا مسئلہ مالیاتی نظم و ضبط کا ہے، معاشی تجزیہ کار

معاشی تجزیہ کاروں کا کہنا ہے کہ کرنٹ اکاؤنٹ خسارے سے بڑا مسئلہ مالیاتی نظم و ضبط کا ہے۔

جیو نیوز کے خصوصی پروگرام گریٹ ڈیبیٹ میں معاشی تجزیہ کار محمد سہیل اور خرم شہزاد نے اظہار خیال کیا۔

ڈیفالٹ سے بچنے سے متعلق ظفر مسعود کی تجویز

بینک آف پنجاب کے چیف ایگزیکٹو آفیسر (سی ای او) ظفر مسعود نے ڈیفالٹ سے بچنے کےلیے کرنٹ اکاونٹ خسارہ کم کرنے کی تجویز دے دی۔

محمد سہیل نے کہا کہ عالمی مالیاتی ادارے (آئی ایم ایف) کا نیا پروگرام نہ لیا تو پاکستان کے ڈیفالٹ کا خدشہ زیادہ ہے۔

انہوں نے مزید کہا کہ رئیل اسٹیٹ، ہول سیلرز پر ٹیکس عائد کیا جانا چاہیے۔

خرم شہزاد نے کہا کہ کچھ مشکل اقدامات کریں تو ہم آئی ایم ایف کے پاس جانے سے بچ سکتے ہیں۔

انہوں نے کہا کہ پاکستان کا کرنٹ اکاؤنٹ خسارے سے بڑا مسئلہ مالیاتی نظم و ضبط کا ہے۔