جیجی حدید بالی ووڈ میں قدم رکھنا چاہتی ہیں؟

08 جون ، 2023

فلسطینی نژاد امریکی سُپر ماڈل جیجی حدید نے حال ہی میں ایک بڑے برانڈ کے ساتھ اپنی فیشن لائن کو فروغ دینے کے لیے بھارت کا دورہ کیا تھا۔

جیجی حدید نے اپنے اس پہلے دورۂ بھارت کے دوران شاہ رخ خان جیسے سپر اسٹارز کے ساتھ اچھا وقت گزارا اور اسے ایک ’ناقابل فراموش سفر‘ قرار دیا۔

اُنہوں نے اپنے سوشل میڈیا پر بھی اس تقریب کی تشہیر کی جہاں زنڈایا، ٹام ہالینڈ اور دیگر مشہور ہالی ووڈ شخصیات موجود تھیں۔

اب جیجی حدید کے انسٹاگرام اکاؤنٹ پر ایک نظر ڈالنے سے پتہ چلتا ہے کہ اُنہوں نے بھارت کا دورہ کرنے کے بعد مشہور بھارتی فلمساز کرن جوہر کو فالو کرنا شروع کر دیا ہے۔