میرپورخاص(نامہ نگار) شہید بے نظیر بھٹو ایک عظیم رہنما تھیں ،جنہوں نے ملک میں جمہوریت کی بحالی اور استحکام اور غریب عوام کے مسائل حل کرنے کی جدوجہد میں اپنی جان قربان کردی۔ان خیالات کا اظہار مقررین نے پیپلز پارٹی میرپورخاص کے زیر اہتمام سابق وزیر اعظم اور پیپلز پارٹی کی شہید چئیر پرسن محترمہ بے نظیر بھٹو کی 63ویں سالگرہ کے موقعہ پرمنعقدہ تقریب سےخطاب کرتے ہوئے کیا۔ تقریب میں پارٹی کے منتخب نمائندوں ،ڈویژ نل ،ضلعی،سٹی اور تعلقہ کے سابقہ عہدیداروں اور کارکنوں نے بڑی تعداد میں شرکت کی۔مقررین نے کہا کہ ملک میں جمہوریت کی بحالی اور استحکام کے لئے بھٹو خاندان کی تاریخی قربانیاں ہمیشہ یاد رکھی جائیں گی،شہید بے نظیر بھٹو نے انتہا ئی نامساعد حالات میں بھی عوام کے حقوق اور جمہوریت کی بحالی کے لئے جدوجہد جاری رکھی ۔تقریب میں سالگرہ کا ایک بڑا کیک کاٹا گیا۔
فرمان الہی
نماز کے اوقات
