فرمان الہی
نماز کے اوقات
سندھ کے ضلع لاڑکانہ میں 7 دن سے بند بجلی ابھی تک مکمل طور پر بحال نہ ہو سکی۔
ذرائع کے مطابق شہر کی شیخ زید کالونی، لاہوری محلہ، جناح باغ، پاکستان چوک اور دیگر علاقوں میں تاحال بجلی بند ہے۔
گرم موسم میں شہریوں کا بجلی کی بندش کے باعث برا حال ہے، فریج اور ڈیپ فریزرز میں رکھا گیا قربانی کا گوشت خراب ہونے لگا ہے۔
شہریوں کی جانب سے سیپکو اور حکومت کے خلاف دھرنے اور احتجاج کا اعلان کیا گیا ہے۔
سیپکو کا کہنا ہے کہ شہر کے 27 فیڈرز بحال کیے جا چکے ہیں اور ہائی ٹینشن پاور لائن کا مرمتی کام بڑی حد تک مکمل کیا جا چکا ہے۔
سیپکو انجنیئر شاہ محمد نے تصدیق کی ہے کہ لاڑکانہ کو بجلی فراہم کرنے والے 27 فیڈرز میں بجلی بحال کر دی گئی۔
