فرمان الہی
نماز کے اوقات
بالی ووڈ کے معروف اداکار نوازالدین صدیقی کا گلوکار بی پراک کے ساتھ کام کرنا ان کے مداحوں کو کچھ خاص پسند نہیں آیا۔
بی پراک کا نیا گانا’یار کا ستایا ہوا ہے‘ ریلیز ہونے کے بعد نواز الدین صدیقی کو اس میوزک ویڈیو کا حصّہ بننے پر تنقید کا سامنا ہے۔
اُنہوں نے فوٹو اینڈ ویڈیو شیئرنگ ایپ انسٹاگرام پر اس میوزک ویڈیو کا ٹیزر شیئر کیا ہے۔
میوزک ویڈیو کا ٹیزر دیکھ کر ہی اداکار کے مداحوں نے ان کے بی پراک کے ساتھ کام کرنے پر ناپسندیدگی اور مایوسی کا اظہار کردیا۔
مداحوں کا خیال ہے کہ نواز الدین صدیقی ایک بہترین اداکار ہیں اور اُنہیں اپنی شاندار اداکارانہ صلاحیتوں کو منفرد کرداروں کے ذریعے دنیا کے سامنے لانا چاہیئے، اُنہیں شہرت حاصل کرنے کے لیے اس طرح کے گانوں پر ڈانس پرفارمنس دینے کی ضرورت نہیں ہے۔
یاد رہے کہ اس سے قبل بھی نوازالدین صدیقی نے بی پراک کے ساتھ ایک میوزک ویڈیو ’بارش کی جائے‘ کے لیے تعاون کیا تھا اور اسے مداحوں کی جانب سے بہت پسند کیا گیا تھا۔
