فرمان الہی
نماز کے اوقات
پاکستان سُپر لیگ (پی ایس ایل) کی فرنچائز ملتان سلطانز نےعالمگیر ترین کے انتقال پر افسوس کا اظہار کیا ہے۔
فرنچائز ملتان سلطانز کے آفیشل ٹوئٹر ہینڈل پر عالمگیر ترین کی ایک یادگار تصویر شیئر کی گئی ہے۔
یہ تصویر شیئر کرتے ہوئےٹوئٹ کے کیپشن میں لکھا ہے کہ گہرے دکھ کے ساتھ ہم اپنے مالک کے انتقال کی خبر دے رہے ہیں۔
ٹوئٹ میں لکھا ہے کہ ملتان سلطانز کی تمام دعائیں اس غم کی گھڑی میں عالمگیر ترین کی فیملی کے ساتھ ہیں۔
ٹوئٹ میں عوام سے درخواست کرتے ہوئے لکھا ہے کہ ہماری درخواست ہے کہ فیملی کی پرائیویسی کا خیال رکھا جائے۔
واضح رہے کہ استحکامِ پاکستان پارٹی کے بانی جہانگیر ترین کے بھائی عالمگیر ترین نے خودکشی کرلی ہے۔
پولیس ذرائع کے مطابق عالمگیر ترین نے پستول سے اپنے سر میں گولی مار کر خود کشی کی۔
پولیس ذرائع کا کہنا ہے کہ خودکشی کے وقت وہ لاہور کے علاقے گلبرگ میں واقع اپنے گھر میں تھے۔
عالمگیر ترین نے خود کشی سے پہلے ایک نوٹ لکھا جس میں انہوں نے بتایا کہ میں بیمار ہونے کی وجہ سے خودکشی کر رہا ہوں۔
