فرمان الہی
نماز کے اوقات
بھارت میں ٹماٹر مہنگے ہونے کے اثرات سامنے آنے لگے، ٹماٹر سے بھرا ٹرک چھین کر میاں بیوی فرار ہو گئے جنہیں گرفتار کر لیا گیا ہے۔
بھارتی میڈیا کے مطابق بنگلورو شہر میں ہائی وے پر چوری کرنے والے گینگ کے رکن میاں بیوی کو پولیس نے گرفتار کر لیا جبکہ دیگر ملزمان کی تلاش جاری ہے۔
رپورٹس کے مطابق 8 جولائی کو دونوں افراد نے ایک ٹرک کو روکا جس پر ڈھائی ٹن ٹماٹر موجود تھے جن کی مالیت ڈھائی لاکھ روپے سے زائد تھی۔
بھارتی میڈیا کے مطابق ملزمان نے جھوٹے حادثے میں ان کی گاڑی کو نقصان پہنچانے کا الزام ٹرک ڈرائیور پر لگا کر اس سے نقصان کے پیسوں کا مطالبہ کیا۔
رپورٹس کے مطابق کسان کے انکار کرنے پر میاں بیوی نے اسے مارا پیٹا اور اس کا ٹرک لے کر فرار ہو گئے۔
بھارتی میڈیا کے مطابق کسان کی شکایت پر پولیس نے تفتیش کرتے ہوئے ٹرک کا سراغ لگا کر 28 سالہ بھاسکر اور اس کی 26 سالہ بیوی سندھوجا کو گرفتار کر لیا۔
پولیس کے مطابق اس گینگ کے مزید 3 ملزمان فرار ہیں جن کی تلاش جاری ہے۔
واضح رہے کہ ان دنوں بھارت میں ٹماٹر کی قمتیں بھی آسمان کو چھو رہی ہیں جس سے شہریوں کو مشکلات کا سامنا ہے۔
