فرمان الہی
نماز کے اوقات
پاکستانی شوبز شخصیات کو 37 سال بعد اسکواش کورٹ میں ایک بار پھر پاکستانی پرچم کو بلند کرنے والے چیمپئن حمزہ خان پر فخر ہے۔
اداکار ہمایوں سعید نے مائیکرو بلاگنگ ویب سائٹ ٹوئٹر پر اس تاریخی موقع پر خوشی کا اظہار کیا۔
اُنہوں نے اپنے ٹوئٹ میں لکھا کہ’کیا شاندار خبر ہے، مبارک ہو حمزہ خان ہم سب کو آپ پر بے حد فخر ہے!!‘
گلوکار و اداکار علی ظفر نے خوشی کا اظہار کرتے ہوئے لکھا کہ ’یہ حیرت انگیز خبر ہے!‘
اُنہوں نے لکھا کہ حمزہ خان اور پورے پاکستان کو مبارک ہو!‘
اُنہوں نے اپنے ٹوئٹ کے آخر میں لکھا کہ’جیسا کہ میں کہتا رہتا ہوں کہ اپنی صلاحیتوں کو پروان چڑھائیں کیونکہ یہ آپ کے لیے تمام شعبوں میں ناقابل یقین فخر کا باعث بن سکتی ہیں‘۔
سینئر اداکار عدنان صدیقی نے اپنے ٹوئٹ میں خوشی کا اظہار کرتے ہوئے لکھا کہ’ورلڈ جونیئر سکواش چیمپئن شپ کا ٹائٹل جیتنے پر حمزہ خان کو بہت بہت مبارک ہو‘۔
اُنہوں نے لکھا کہہ تین دہائیوں کے بعد ’گولڈ‘ گھر لانا ایک ناقابل یقین کامیابی ہے۔ یہ ہمارے خون میں موجود ہے!‘
اُنہوں نے اپنے ٹوئٹ کے آخر میں حمزہ خان سے مخاطب ہوتے ہوئے لکھا کہ آپ کی یہ کامیابی کھلاڑیوں کی نئی نسل کو متاثر کرے گی‘۔
اس شاندار کامیابی کے موقع پر اداکارہ ماورا حسین نے بھی مائیکرو بلاگنگ ویب سائٹ ٹوئٹر پر حمزہ خان اور پوری قوم کو مبارکباد دی۔
یاد رہے کہ پاکستان کے حمزہ خان مصر کے کھلاڑی کو ہرا کر ورلڈ جونیئر اسکواش چیمپئن بن گئے ہیں، اُنہوں نے فائنل میچ میں مصر کے محمد زکریا کو 1-3 سے شکست دی۔
واضح رہے کہ 37 سال بعد کوئی پاکستانی کھلاڑی ورلڈ جونیئر اسکواش چیمپئن شپ جیتنے میں کامیاب ہوا ہے۔ اس سے قبل 1986ء میں جان شیر خان نے یہ ٹائٹل جیتا تھا۔
