کراچی(اسٹاف رپورٹر) طائیز کراٹے انٹرنیشنل ہیڈ کوارٹر کراچی میں سینئرز شاگردوں اور انسٹرکٹرز کی خدمات کے اعتراف میں تقریبات کا انعقاد کیا گیا ۔سینئر انسٹریکٹر مختار احمد کے اعزاز میں تقریب کے موقع پر گرینڈ ماسٹر محمد اشرف طائی نے کہا کہ سینئرز شاگرد میری زندگی کا قیمتی سرمایہ ہیں ۔ میں ان پر جتنا بھی فخر کروں کم ہے۔ دوران تقریب گرینڈ ماسٹر محمد اشرف طائی نے سینئر ترین شاگرد مختار احمد کو شیلڈ دی ۔تقریب میں طائیز انٹرنیشنل ہیڈ کوارٹرز کے شاگردوں نے جوڈوکراٹے، مارشل آرٹ سمیت دیگر فائٹنگ میں اعلیٰ پرفارمنس کا مظاہرہ کرکے وہاں موجود سیکڑوں افراد سے داد وصول کی ۔اس موقع پر میڈم ثمینہ طائی سمیت سینئرزو جونئیر شاگردوں کی بڑی تعدا د موجود تھی۔
فرمان الہی
نماز کے اوقات
