فرمان الہی
نماز کے اوقات
بھارتی اداکار عمران خان نے ایک مرتبہ پھر بڑے پردے پر واپسی کا عندیہ دے دیا۔
واضح رہے کہ دہلی بیلی، لک، میرے برادر کی دلہن، جانے تو یا جانے نہ جیسی مشہور فلموں میں اداکاری کے جوہر دکھانے والے عمران خان 2015 کے بعد سے کسی فلم میں نظر نہیں آئے۔
تاہم حال ہی میں اداکارہ شبانہ اعظمی کی پوسٹ پر ایک مداح کے تبصرے کے جواب میں عمران خان نے عندیہ دیا کہ وہ دوبارہ فلموں میں واپسی کریں گے۔
ہوا کچھ یوں کہ ایک مداح نے شبانہ اعظمی کی انسٹاگرام پوسٹ پر تبصرے کرتے ہوئے تحریر کیا کہ "شبانہ اعظمی فلموں میں واپس آگئیں، پتہ نہیں میرے عمران کب آئیں گے؟"
اس پر جواب دیتے ہوئے عمران خان نے مذکورہ مداح کو مخاطب کرتے ہوئے تحریر کیا کہ یہ فیصلہ انٹرنیٹ پر چھوڑ دیتے ہیں، اگر اس کمنٹ کو 10 لاکھ لائیکس مل جائیں گے تو وہ فلموں میں واپسی کریں گے۔"
