انوارا الحق کاکڑ کو وزیراعظم کی سیکیورٹی دے دی گئی، ذرائع

سینیٹر انوار الحق کاکڑ کو وزیراعظم پاکستان کی سیکیورٹی دے دی گئی۔

ذرائع کے مطابق بلوچستان عوامی پارٹی (بی اے پی) سے تعلق رکھنے والے انوار الحق کاکڑ کا بطور نگراں وزیراعظم تقرر کردیا گیا۔

ذرائع کا کہنا ہے کہ نگراں وزیراعظم کی تقریب حلف برداری 14 اگست کو ہوگی۔

انوار الحق کاکڑ کون ہیں؟

وزیرِ اعظم شہباز شریف اور قائدِ حزب اختلاف راجا ریاض کے درمیان ہونے والی ملاقات میں بلوچستان عوامی پارٹی کے سینیٹر انوار الحق کاکڑ کے نام پر بطور نگران وزیرِ اعظم اتفاق ہو گیا ہے۔

وزیراعظم شہباز شریف اور اپوزیشن لیڈر راجا ریاض نے مشترکہ طور پر دستخط کرکے انوار الحق کاکڑ کو نگراں وزیراعظم مقرر کرنے کی ایڈوائس پر دستخط کیے اور صدر مملکت ڈاکٹر عارف علوی کو بھجوائی تھی۔

صدر مملکت نے سینیٹر انوار الحق کی بطور نگراں وزیراعظم تقرری کی سمری پر دستخط کیے۔

ایوانِ صدر کی پریس ونگ کے مطابق صدرِ مملکت عارف علوی نے انوار الحق کی تعیناتی کی منظوری آئین کے آرٹیکل 224 ون اے کے تحت دی گئی ہے۔