فرمان الہی
نماز کے اوقات
راولپنڈی کے ایک سرکاری اسکول کی ٹیچر نے نویں جماعت کی طالبہ کو مبینہ تشدد کا نشانہ بناکر شدید زخمی کردیا۔
صادق آباد کے علاقے مسلم ٹاؤن میں گورنمنٹ گرلز ہائی اسکول میں خاتون ٹیچر نے اسکول کے کام میں غلطی پر نویں جماعت کی طالبہ علشبہ بشیر کو ڈنڈوں سے مار کر شدید زخمی کردیا۔
تشدد سے متاثرہ طالبہ کے سر اور بازوؤں میں گہری چوٹیں آئیں، متاثرہ طالبہ کے والد نے خاتون ٹیچر پر الزام عائد کیا ہے کہ ٹیچر نے ان کی بیٹی کو ڈنڈوں سے تشدد کا نشانہ بنایا ہے۔
اسکول انتظامیہ کے مطابق واقعے پر محکمہ تعلیم راولپنڈی کے افسران اور ڈسٹرکٹ ایجوکیش افسر کو تحریری طور پر آگاہ کردیا گیا ہے۔
انتظامیہ کا کہنا ہے کہ متعلقہ خاتون ٹیچر کافی عرصے سے ذہنی تناؤ کا شکار ہے تاہم واقعے کی تحقیقات شروع کردی گئی ہیں۔ متاثرہ طالبہ کے والدین کو بھی تحقیقات میں شامل ہونے کیلئے آگاہ کر دیا گیا ہے۔
متاثرہ طالبہ کے والدین نے الزام عائد کیا ہے کہ اسکول کے کام میں غلطی پر ٹیچر نے ان کی بیٹی کو ڈنڈوں سے مارا جس کے باعث طالبہ کے سر اور بازوؤں میں شدید چوٹیں آئی ہیں۔
