فرمان الہی
نماز کے اوقات
کراچی(اسٹاف رپورٹر)پاکستان کرکٹ بورڈ نے جمعے کی شب اچانک ایک ای میل کے ذریعے مینجمنٹ کمیٹی کا اجلاس کراچی کے پانچ ستاروں والے ہوٹل میں طلب کیا ہے۔دوپہر کو ہونے والے اجلاس سے قبل چیئرمین ذکا ء اشرف نے اراکین کے اعزاز میں ظہرانے کا اہتمام کیا ہے۔ذمے دار ذرائع کا کہنا ہے کہ مصطفےٰ رمدے نے ایک ای میل کے ذریعے لاہور کے بجائے کراچی میں اجلاس بلانے پر تحفظات ظاہر کئے ہیں۔انہوں نے کئی سنجیدہ نوعیت کے اعتراضات کئے ہیں۔مصطفے رمدے کمیٹی میں وزیراعظم کے دو نمائندوں میں سے ایک ہیں، مینجمنٹ کمیٹی کی میٹنگ اتوار 27 اگست کو بلائی گئی ہے۔ان کا کہنا ہے کہ مختصر نوٹس پر بغیر ایجنڈے کے کراچی میں میٹنگ بلانا درست نہیں ہے۔ کراچی میں میٹنگ سے بورڈ کا بے جا خرچہ ہوگا۔ چیئرمین پی سی بی مینجمنٹ کمیٹی ذکا اشرف اجلاس کی صدارت کریں گے، اس حوالے اراکین کمیٹی کو آگاہ کردیا گیا ہے۔جبکہ سیالکوٹ سے تعلق رکھنے والے رکن ملک ذوالفقار اس وقت لندن میں ہیں۔پی سی بی ترجمان نے دوپہر ڈہائی بجے شروع ہونے والے اجلاس کی تصدیق کی ہے۔ذرائع کا دعوی ہے کہ کچھ اراکین ویڈیو لنک پر جوائن کریں گے اور کورم پوراہوجائے گا۔
