فرمان الہی
نماز کے اوقات
پاکستان مسلم لیگ (ن) کی چیف آرگنائزر مریم نواز کا کہنا ہے کہ نواز شریف کے آنے سے مہنگائی کے اندھیروں اور مایوسیوں کا خاتمہ ہوگا۔
پشاور میں خطاب کرتے ہوئے مریم نواز نے کہا کہ نواز شریف کی قیادت میں مہنگائی، بے روزگاری اور معاشی بدحالی کے خلاف اعلان جنگ کر دیا ہے۔
مسلم لیگ ن کی چیف آرگنائزر نے کہا کہ 10 سال میں خیبر پختونخوا کے وسائل کو صرف لوٹا گیا، نوجوان سیلاب کے پانیوں میں مدد کیلئے پکارتے رہے، خیبر پختونخوا کا ہیلی کاپٹر جلسوں کی ڈیوٹی کرتا رہا۔
مریم نواز نے سوال کیا کہ ترقی کو تنزلی میں کس نے بدلا؟ مہنگائی کے جن کو کس کی وطن دشمن سیاست نے جنم دیا؟ مظلومیت کے نعرے بلند کرنے سے پہلے اپنی پھیلائی ہوئی تباہی کا حساب دیں۔
انہوں نے کہا کہ آج کے چیلنجز کا اُسی قوت سے مقابلہ کریں گے جس طرح 2013 میں کیا تھا۔
