فرمان الہی
نماز کے اوقات
کراچی کے علاقے نارتھ ناظم آباد میں 7 سال کی بچی اندھی گولی کا نشانہ بن گئی۔
پولیس کے مطابق نارتھ ناظم آباد میں سخی حسن اور بفر زون کے قریب ممکنہ طور پر روڈ کے دوسری جانب سے نامعلوم افراد نے فائرنگ کی۔
بچی گاڑی کی پچھلی سیٹ پر بیٹھی تھی کہ اچانک گولی آ کر اس کے سر میں لگ گئی۔
بچی کو تشویش ناک حالت میں اسپتال منتقل کیا گیا جہاں وہ دم توڑ گئی۔
بچی کے رشتے دار سہیل اختر نے ’جیو نیوز‘ کو بتایا ہے کہ بچی کے والد اسے اسکول چھوڑنے جا رہے تھے کہ اچانک گاڑی کا پچھلا شیشہ ٹوٹا اور گولی بچی کے سر میں جا لگی۔
سہیل اختر کا کہنا ہے کہ کہ قانونی کارروائی نہیں چاہتے اس کا کوئی فائدہ نہیں، بچی کی نمازِ جنازہ آج بعد نمازِ عصر بفرزون میں ادا کی جائے گی۔
