لندن (اے پی پی) سال کا تیسرا گرینڈسلام ٹینس ٹورنامنٹ ومبلڈن پیر سے شروع ہورہا ہے، جس میں دنیائے ٹینس کے نامور مرد اور خواتین ستارے ایکشن میں ہونگے، نوویک جوکووچ مردوں اور سرینا ولیمز خواتین سنگلز ایونٹس میں ٹائٹلز کا دفاع کریں گے۔ سابق عالمی نمبر ایک اور چودہ مرتبہ کے گرینڈسلام چیمپئن رافیل نڈال نے انجری مسائل کے باعث ایونٹ سے دستبرداری اختیار کر رکھی ہے۔ جوکووچ کو مردوں اور سرینا ولیمز کوخواتین کے انفرادی مقابلوں کیلئے بھی ٹاپ سیڈ مقرر کیا گیا ہے، ڈراز کے مطابق جوکووچ اور راجر فیڈرر، اینڈی مرے اور سٹانسلاس واورینکا کا سیمی فائنلز میں آمنا سامنا ہو سکتا ہے۔ 10 جولائی تک جاری رہنے والے ایونٹ میں دنیائے ٹینس کے نامور مردوخواتین کھلاڑی مختلف کیٹگریز کے مقابلوں میں ٹائٹلز کے حصول کیلئے ایکشن میں دکھائی دیں گے۔
فرمان الہی
نماز کے اوقات
