10سال پرانے قتل کے ملزم کو پاکستان لانے میں تاخیر پر عدالت برہم

سندھ ہائیکورٹ میں اسٹیٹ لائف کمپنی کے افسر محمد امجد شاہ کے قتل میں مبینہ طور پر ملوث ملزم تقی حیدر شاہ کی دبئی سے پاکستان حوالگی سے متعلق درخواست پر عدالت نے وفاقی ڈپٹی سیکریٹری داخلہ کو طلب کرتے ہوئے وزارت داخلہ و دفاع دونوں سے رپورٹ طلب کرلی۔

سندھ ہائیکورٹ میں اسٹیٹ لائف کمپنی کے افسر محمد امجد شاہ کے قتل میں مبینہ طور پر ملوث ملزم تقی حیدر شاہ کی دبئی سے پاکستان حوالگی سے متعلق درخواست کی سماعت ہوئی۔

 اسسٹنٹ اٹارنی جنرل جی ایم بھٹو نے عدالت کو بتایا کہ وزارت داخلہ نے ملزم تقی حیدر کی گرفتاری کیلئے ریڈ وارنٹ جاری کر دیے ہیں، جنہیں محکمہ خارجہ کے ذریعے متحدہ عرب امارات کو بھیجا جائے گا۔

سوشل میڈیا کے ذریعے لڑکی نے باپ کے قاتل کو 14 سال بعد گرفتار کروادیا

ماہم نے وزیرخارجہ بلاول بھٹو زرداری سے بھی سوشل میڈیا پر رابطہ کیا ،جس کا وزیر خارجہ نے فوری ایکشن بھی لیا۔

عدالت نے وفاقی ڈپٹی سیکریٹری داخلہ کو آئندہ سماعت پر طلب کر لیا جبکہ وفاقی سیکرٹری داخلہ کو ہدایت کی کہ وہ آئندہ سماعت پر ملزم کی وطن واپسی سے متعلق اقدامات سے متعلق رپورٹ عدالت میں جمع کروائیں۔

 درخواست گزار ماہم امجد کا مؤقف ہے کہ اس کے والد کو ان کے دفتر کے ساتھی تقی شاہ نے 2008 میں قتل کردیا تھا۔ والد نے لائف انشورنس کمپنی کے دفتر میں اربوں روپے کی بدعنوانی کا سراغ لگایا تھا۔

قتل کی اس واردات کی مناسب پیروی نہ ہونے پر ملزم کو فرار ہونے کا موقع مل گیا تھا۔