فرمان الہی
نماز کے اوقات
چیئرمین پاکستان تحریک انصاف (پی ٹی آئی) عمران خان کو اڈیالہ جیل منتقل کردیا گیا، پولیس ٹیم چیئرمین تحریک انصاف کو لے کر اڈیالہ جیل پہنچی۔
ذرائع کے مطابق چیئرمین پی ٹی آئی کو سخت سیکیورٹی میں اڈیالہ جیل منتقل کیا گیا۔
جیل انتظامیہ کے مطابق چئیرمین پی ٹی آئی کا جیل اسپتال میں چیک اپ کیا گیا، انہیں بی کلاس سہولیات فراہم کردی گئی ہے۔
جیل ذرائع کا کہنا ہے کہ چیئرمین پی ٹی آئی کو اسی بیرک میں رکھا جائے گا جس میں نواز شریف کو رکھا گیا تھا۔
جیل ذرائع کے مطابق چیئرمین پی ٹی آئی کو عدالتی احکامات کے مطابق سہولیات فراہم کردی گئیں۔ انہیں جیل میں کمرہ و اٹیچ باتھ دیا جائے گا۔
ذرائع نے بتایا کہ چیئرمین پی ٹی آئی کے کھانے کے حوالے سے فیصلہ نہیں کیا گیا، چیئرمین پی ٹی آئی کے لیے ایک ملازم 24 گھنٹے تعینات کیا جائے گا۔
