فرمان الہی
نماز کے اوقات
پشاور کے صدر بازار سے بزرگ تاجر کو نامعلوم افراد نے گاڑی میں زبردستی بٹھا کر اغوا کر لیا، ویڈیو سوشل میڈیا پر وائرل ہوگئی۔
پشاور صدر بازار سے صبح ساڑھے 9 بجے بزرگ تاجر کو نامعلوم افراد نے گاڑی میں زبردستی بٹھا کر اغوا کر لیا۔
بزرگ تاجر کے اغوا کی ویڈیو سوشل میڈیا پر وائرل ہوگئی ہے ویڈیو میں کار میں آنیوالے 2 افراد تاجر کو دکان سے نکالتے دیکھے جا سکتے ہیں اور حاجی اکرام اللّٰہ نامی تاجر کو گھسیٹ کر گاڑی میں زبردستی بٹھاتے بھی دیکھا جا سکتا ہے۔
پولیس کا کہنا ہے کہ واقعے کی تفتیش شروع کردی ہے۔ سی سی ٹی وی فوٹیجز اور دیگر شواہد کی مدد سے اغوا کاروں تک پہنچنے کی کوشش کی جارہی ہے۔
