فرمان الہی
نماز کے اوقات
کراچی کے علاقے گلشنِ معمار سے لاپتہ ہونے والے 3 افراد اپنے گھر پہنچ گئے۔
سندھ ہائی کورٹ میں لاپتہ افراد کی بازیابی کے کیس سے متعلق درخواستوں پر سماعت ہوئی۔
دورانِ سماعت پولیس کی جانب سے لاپتہ افراد کی درخواستوں سے متعلق رپورٹ عدالت میں جمع کرا دی گئی۔
پولیس نے عدالت کو بتایا کہ 3 لاپتہ افراد گھر پہنچ گئے ہیں، گھر پہنچنے والے شہریوں میں قربان، راشد اور سعد اللّٰہ شامل ہیں۔
پولیس کی جانب سے عدالت می جمع کروائی گئی رپورٹ کے مطابق تینوں شہری گلشنِ معمار کراچی سے لاپتہ ہوئے تھے۔
تینوں افراد کی باحفاظت گھر واپسی پر عدالت نے اظہارِ اطمنان کیا۔
بعد ازاں عدالت نے تینوں افراد کی بازیابی سے متعلق درخواستیں نمٹا دیں۔
