فرمان الہی
نماز کے اوقات
مسلم لیگ (ن) کے سینئر رہنما عطا تارڑ نے کہا ہے کہ ہمارا نواز شریف سے رشتہ اقتدار یا مفاد کا نہیں۔
راولپنڈی میں ورکرز کنونشن سے خطاب میں عطا تارڑ نے کہا کہ مسلم لیگ ن کا ورکر اور لیڈر مشکل حالات میں پارٹی کے ساتھ کھڑا رہا، ہم مشکل حالات سے کبھی نہیں بھاگے۔
انہوں نے کہا کہ راولپنڈی کل بھی نواز شریف کا تھا آج بھی ن لیگی قائد کا ہے، ہمارا نواز شریف سے رشتہ اقتدار یا مفاد کا نہیں۔
ن لیگی رہنما نے مزید کہا کہ راولپنڈی کی جو خدمت مسلم لیگ ن نے کی وہ کسی نے نہیں کی، حنیف عباسی نے عمر قید کی سزا قبول کی لیکن سر نہیں جھکایا۔
اُن کا کہنا تھا کہ نواز شریف بے گناہ ہونے کے باوجود اپنی بیٹی کا ہاتھ پکڑ کر پاکستان آئے، ن لیگی قائد اپنی اہلیہ کو بستر مرگ پر چھوڑ کر آئے اور جیل جانے کو ترجیح دی۔
