فرمان الہی
نماز کے اوقات
چیئرمین پاکستان کرکٹ بورڈ (پی سی بی) مینجمنٹ کمیٹی ذکاء اشرف نے پاکستانی شائقین کےلیے بھارتی ویزوں کے جلد اجراء کی نوید سنادی۔
لاہور میں میڈیا سے گفتگو میں ذکاء اشرف نے کہا کہ بھارتی کرکٹ بورڈ (بی سی سی آئی) کے سیکریٹری اور ایشین کرکٹ کونسل (اے سی سی) کے صدر جے شاہ سے میری کچھ دیر قبل گفتگو ہوئی ہے۔ پاکستان کے شائقین کرکٹ کے ویزے جلد جاری ہوں گے،پاکستان کا ہمیشہ پیغام امن کا ہے، کرکٹ امن کا پیغام ہے۔
انہوں نے کہا کہ بھارت میں کرکٹ ورلڈ کپ دیکھنے کےلیے جانے کے خواہشمند شائقین کرکٹ کے ویزے جلد جاری ہوں گے۔
ذکاء اشرف نے مزید کہا کہ مجھے پہلے ہی ویزا مل گیا تھا لیکن صحافیوں کے ویزوں کا انتظار تھا۔
پی سی بی چیئرمین نے یہ بھی کہا کہ پاکستان ٹیم کی اچھی پرفارمنس خوش آئند ہے، آگے بڑے میچز ہیں، اگر بھارت پاکستان کے درمیان کرکٹ ہوگی تو امن ہوگا۔
انہوں نے کہا کہ جناح گاندھی کرکٹ ٹرافی کی تجویز بہت پرانی ہے، دوبارہ اس کی بات کریں گے۔
