فرمان الہی
نماز کے اوقات
اسرائیل کے غزہ پر حملے 13ویں روز بھی جاری ہیں، اسرائیلی فوج کی بمباری میں ماں کو کھودینے والی بچی کے بلک بلک کر رونے کی ویڈیو سامنے آگئی۔
فلسطینی صحافی نے اپنے انسٹاگرام اکاؤنٹ پر بچی کے رونے کی ویڈیو شیئر کی ہے۔
ویڈیو کے کیپشن میں انہوں نے لکھا کہ ’فلسطینی بچی اسرائیلی فوج کی بمباری میں اپنی والدہ سے محروم ہوگئی۔
اسپتال سے جاری کی گئی اس ویڈیو میں بچی کو بلک بلک کر روتے ہوئے دیکھا جاسکتا ہے جس میں وہ بار بار اپنی ماں کو پکارتی نظر آرہی ہے جبکہ اس دوران ایک شخص مسلسل اس بچی کو دلاسہ دینے کی کوشش کررہا ہے۔
آج اسرائیلی طیاروں کی خان یونس میں اسپتال، اسکول، رہائشی عمارتوں، گھروں پر بمباری سے متعدد فلسطینی شہید ہوگئے، جن میں ایک ہی خاندان کے 13 افراد بھی شامل ہیں۔
اسرائیلی بمباری کا نشانہ بننے والے اسکول میں سیکڑوں بے گھر فلسطینیوں نے پناہ لی ہوئی تھی، غزہ پٹی پر اسرائیل کی وحشیانہ بمباری میں شہید ہونے والے فلسطینیوں کی تعداد 3 ہزار 785 ہوگئی۔
دوسری جانب اسرائیل نے مغربی کنارے میں بھی قتل عام شروع کردیا، نہتے فلسطینیوں کو اسنائپر سے نشانہ بنا کر چند گھنٹوں میں پانچ فلسطینیوں کو شہید کردیا۔
