فرمان الہی
نماز کے اوقات
کراچی (اسٹاف رپورٹر) فیصل آباد ریجن نے قائداعظم ٹرافی فائنل کے دوسرے روز اپنی پہلی اننگز میں 76 رنز پر 4 وکٹ گنوادیے ۔ اس سے قبل کراچی وائٹس اپنی پہلی اننگز میں 543 رنز بناکر آؤٹ ہوگئی۔ عمیر بن یوسف 6 رنز بناکر فہیم اشرف کی گیند پر بولڈ ہوگئے۔ اگلے ہی اوور میں صائم ایوب اپنے گزشتہ روز کے اسکور200رنز میں صرف تین رنز کا اضافہ کرکے خرم شہزاد کی گیند پر آؤٹ ہوگئے۔کپتان سرفراز احمد نے45جبکہ میرحمزہ نے ایک چھکے اور 6 چوکوں کی مدد سے33 رنز بنائے۔ محمد علی ، ارشد اقبال اور خرم شہزاد نے تین، تین وکٹیں حاصل کیں۔ فیصل آباد کی اننگز کا آغاز مایوس کن رہا ۔ تیمور سلطان بغیر کوئی رن بنائے شاہنواز دھانی کی گیند پر کیچ ہوگئے۔ محمد حریرہ 17 اور علی وقاص 27 رنز پر میرحمزہ کے شکار بنے ۔ آصف علی3 رنز پر غلام مدثر کی گیند پر سرفراز احمد کا کیچ بنے۔کھیل کے اختتام پر محمد عرفان خان 12 اور علی شان9 رنز پر ناٹ آؤٹ تھے ۔فیصل آباد کو فالوآن سے بچنے کیلئے 268 رنز درکار ہیں۔
