فرمان الہی
نماز کے اوقات
کراچی کے مختلف علاقوں میں رات گئے فائرنگ و دیگر واقعات میں ڈاکو سمیت 2 افراد ہلاک اور 5 زخمی ہوگئے۔
عائشہ منزل پر فائرنگ کے نتیجے میں 2 افراد زخمی ہوگئے، مسلح افراد نے فائرنگ کرکے ایک شخص کو زخمی کیا، دوسرے شخص کو سڑک پر گرا کر ڈنڈے مارے، زخمی افراد کی شناخت عبدالمجید اور عثمان کے نام سے ہوئی ہے۔
موسیٰ کالونی میں جھگڑے کے دوران تشدد سے اسلم نامی شخص جاں بحق ہوگیا، واقعہ محلے کے بچوں میں جھگڑے کے بعد پیش آیا۔
لواحقین کا دعویٰ ہے کہ بچوں کے جھگڑے کے دوران اسلم نے مداخلت کی تو علاقے کے رہائشی نوجوان نے بدترین تشدد کیا جس کے باعث اسلم جاں بحق ہوا۔
اسلم پیشے سے ڈرائیور اور موسیٰ کالونی کا ہی رہائشی تھا، پولیس کا دعویٰ ہے کہ واقعے کے بعد مبینہ ملزم فرار ہوگیا ہے، جبکہ متوفی کی موت جھگڑے کے دوران حرکت قلب بند ہونے سے ہوئی ہے۔
ادھر سرجانی ٹاؤن خدا کی بستی میں مبینہ مقابلے میں ملزم ہلاک جبکہ ایک ملزم زخمی حالت میں گرفتار کرلیا گیا، ملزمان کا ساتھی فرار ہوگیا۔
شادمان سیکٹر 14 بی میں مبینہ مقابلے میں 2 ملزمان گرفتار کرلیے گئے۔
