فرمان الہی
نماز کے اوقات
کراچی کورنگی صنعتی ایریا میں باپ اور کمسن بیٹی کے قتل کے الزام میں پولیس نے 3 افراد کو گرفتار کرلیا۔
ایس ایس پی انویسٹی گیشن تنویر الحسن کے مطابق باپ اور کمسن بیٹی کے قتل کا واقعہ 24 ستمبر کو کورنگی صنعتی ایریا میں پیش آیا تھا۔
تنویر الحسن کے مطابق اس روز 3 موٹر سائیکلوں پر 6 ڈاکو سوار تھے، 2 ڈاکو سروس روڈ پر واردات کر رہے تھے۔
ایس ایس پی انویسٹی گیشن کے مطابق مین روڈ پر موجود ملزمان میں سے ایک کو مقتول طاہر نے پکڑلیا تھا تو اُس کے ساتھی نے فائرنگ کردی۔
تنویر الحسن کے مطابق ڈاکوؤں کی فائرنگ سے طاہر زمان اور 2 سالہ بیٹی انعم جاں بحق ہوگئے تھے۔
تفتیشی حکام کے مطابق واقعے کی تحقیقات کے دوران باغ کورنگی سے ایک ملزم کو گرفتار کیا گیا جس کی نشاندہی پر مزید 2 ملزمان پکڑے گئے جبکہ دیگر 3 ملزمان تاحال مفرور ہیں۔
