فرمان الہی
نماز کے اوقات
پاکستانی معروف ٹک ٹاکر، یوٹیوبر اور سوشل میڈیا انفلوئنسر سحر حیات نے اپنے ہاں خوش خبری کا سوشل میڈیا پر اعلان کیا ہے۔
سحر حیات اور ان کے شوہر سمیع رشید نے سوشل میڈیا پر یہ اعلان منفرد انداز میں کیا ہے۔
سحر حیات اور اور اُن کے شوہر نے سوشل میڈیا کے تقریباً ہر پلیٹ فارم پر پوسٹنگ کے ذریعے اپنے مداحوں کو بتایا ہے کہ وہ بہت جَلد والدین کے رتبے پر فائز ہونے والے ہیں۔
ٹک ٹاکر جوڑے نے یہ خبر بطور ویڈیو کال اپنے سوشل میڈیا اسٹار دوستوں کے ساتھ بھی شیئر کی جن میں کنول آفتاب، ذوالقرنین سکندر اور جنت مرزا شامل ہیں۔
چند ماہ قبل ہی رشتۂ ازدواج میں منسلک ہونے والی سحر حیات اور اُن کے شوہر کا بولڈ انداز صارفین کو کچھ خاص نہیں بھایا ہے۔
اس اعلان کے بعد یہ جوڑا سوشل میڈیا پر شدید تنقید کی زد میں ہے۔
سحر حیات اور سمیع رشید کی جانب سے ولدیت قبول کرنے سے متعلق 32 منٹ طویل ویلاگ پر سوشل میڈیا صارفین شدید ردِ عمل کا اظہار کر رہے ہیں۔
صارفین کا کہنا ہے کہ سحر اور سمیع کو اپنے انتہائی نجی اور ذاتی معاملات کو اس طرح سے ریکارڈ کر کے سوشل میڈیا پر اپ لوڈ نہیں کرنا چاہیے تھا۔
سوشل میڈیا صارفین سحر حیات اور سمیع رشید کے اس ویلاگ کو سستی شہرت حاصل کرنے اور صارفین کی توجہ اپنی جانب مبذول کروانے کا ایک ذریعہ قرار دے رہے ہیں۔
