فرمان الہی
نماز کے اوقات
پاکستان تحریک انصاف (پی ٹی آئی) کا پشاور سے اسلام آباد کی جانب رواں دواں احتجاجی قافلہ غازی بروتھا پہنچ گیا ہے۔
پی ٹی آئی کے احتجاجی قافلے کی قیادت وزیراعلیٰ خیبر پختونخوا علی امین گنڈاپور اور بانی پی ٹی آئی کی اہلیہ بشریٰ بی بی کر رہی ہیں۔ قافلے میں کنٹینر ہٹانے والی مشینری موجود نہیں ہے۔
امکان ہے کہ قافلہ آج رات غازی بروتھا ہی میں گزارے گا، بشریٰ بی بی ایک موقع پر کنٹینر پر آئیں اور پھر اپنی گاڑی میں واپس چلی گئیں۔
پی ٹی آئی رہنماؤں کا کہنا ہے کہ قافلے کی قیادت علی امین گنڈاپور کر رہے ہيں، بشریٰ بی بی کی گاڑی قافلے میں شریک ہیں۔
پی ٹی آئی احتجاج میں شرکت کےلیے آنے والے پی ٹی آئی کارکنوں کو ملک کے مختلف شہروں میں کریک ڈاؤن کے دوران حراست میں لے لیا گیا۔
ارکان اسمبلی عامر ڈوگر، زین قریشی، معین ریاض، ایم پی اے بشارت ڈوگر، انفارمیشن سیکریٹری حافظ ذیشان اور صداقت عباسی سمیت 400 سے زائد کارکن گرفتار ہوچکے ہیں۔
راولپنڈی اور اسلام آباد میں سیکیورٹی ہائی الرٹ ہے، آئی جی اسلام آباد علی ناصر رضوی کا کہنا ہے کہ کسی بھی شر انگيزی سے نمٹنے کےلیے تیار ہیں۔
