فرمان الہی
نماز کے اوقات
رنبیر کپور کی فلم اینیمل کے کچھ سیگمنٹس کی شوٹنگ اداکار سیف علی خان کی حویلی میں ہوئی۔
بھارتی میڈیا کی رپورٹ کے مطابق فلم اینیمل میں وجے سنگھ (رنبیر کپور) کے اہلِ خانہ جس گھر میں رہائش پذیر ہیں وہ پٹودی پیلس ہے۔
پٹودی پیلس کو سیف علی خان کے دادا نواب افتخار علی خان پٹودی نے بنوایا تھا جن کے بعد یہ پیلس سیف علی خان کے والد منصور علی خان کی ملکیت میں چلا گیا تھا۔
اس جائیداد کو ایک ہوٹل کمپنی نے حاصل کرلیا تھا جس کے بعد سیف علی خان نے اپنے پیسے سے اسے واپس خرید لیا۔
اس گھر کا موجودہ نام ابراہیم کوٹھی ہے جس میں سیف علی خان کی والدہ شرمیلا ٹیگور رہائش پذیر ہیں۔
بھارتی میڈیا کے مطابق فلم کی شوٹنگ کے دوران فلم کریو کی جانب سے ایک مرتبہ انسٹاگرام اسٹوری پر پٹودی پیلس کو بھی تصویر شیئر کرتے ہوئے ٹیگ کیا گیا تھا۔
اس پیلس کی تصاویر اور ویڈیوز بھی سوشل میڈیا پر موجود ہیں جن کا فلم اینیمل کے کچھ شوٹ سے موازنہ کیا جاسکتا ہے۔
