عالمی معاشی ترقی میں طویل المدتی خدشات پیدا ہوگئے، اوباما

امریکی صدر باراک اوباما کا کہنا ہے کہ یورپی یونین سے برطانیہ کی علیحدگی نے کمزور عالمی شرح نمو کے لیے مزید طویل المدتی خدشات پیدا کر دیے ہیں۔

کینیڈا کے شہر اوٹاوا میں شمالی امریکا کے رہنماؤں کے سمٹ سے خطاب میں صدر اوباما نے کہا کہ عالمی شرح نمو کی رفتار پہلے ہی سست روی کا شکار ہے اور برطانیہ کی یورپی یونین سے علیحدگی نے عالمی معاشی ترقی میں طویل المدتی خدشات پیدا کر دیے۔

ان کا کہنا تھا کہ امریکا عالمی معاشی نظام کے استحکام اور ترقی کے لیے برطانیہ کے ساتھ مل کر کام کرتا رہے گا۔